Followers

Friday, November 17, 2017

दोहा छंद – शकुन्तला शर्मा

दोहा छंद – शकुन्तला शर्मा 

छ्त्तीसगढ मा राम हें, सुन वो कर ननिहाल 
गाँव - कोसला नाव हे, बनिस राम के ढाल।

कौशल्या के मायके, भानु - मन्त के राज
भानुमंत दशरथ बनिन, समधी राज समाज।

महा - नदी के तीर मा, हावय शबरी - धाम
शबरी - बोइर चिखत हे, खावत हावय राम।

भेद - भाव के नार ला, बड सुंदर तिरियाय
गाँधी हर गुरुमान लिस, तेजस ओजस पाय।

सुरता - आथे दलित के, छंद - राग के दूत
देश - प्रेम के राग मा, बन गे खुद अवधूत।

छत्तीसगडही गीत ला, पागिस साव – खुमान
जगमगाय आकाश मा, गुरतुर - गान गुमान।

छ्त्तीसगढ - अभिमान ए, तीजन - बाई नाम
पँडवानी के गायिका, लौह नगर घर – धाम।

देव दास जब नाचथे, पहिरय - पिवँरा पाग
पंथी ला बगरा - दिहिस, दुनियाँ गावय राग।

मूर्ति बनाथे – बढिया, जग जाहिर अब नाव
नेल्सन के जस हे बडे, सुनव - सबो सहँराव।

रिखी खत्री बहुते गुनी, समझय सुर अउ ताल
छ्त्तीसगढ तुरही - बजा, बन - प्रदेश के ढाल।

नारायन जय - खंभ मा, ठाढे - हावय आज
सब्बो झन ला कहत हे, करव देश हित काज।   

रचनाकार - शकुन्तला शर्मा
भिलाई, छत्तीसगढ़

16 comments:

  1. बड़ सुघ्घर दोहावली,दीदी।
    सादर नमन

    ReplyDelete
  2. लाजवाब दोहावली दीदी।सादर बधाई

    ReplyDelete
  3. हे शारद मैया
    कोटिशः नमन

    ReplyDelete
  4. बेहतरीन दोहावली दीदी । सादर बधाई

    ReplyDelete
  5. शानदार दोहावली।दीदी।

    ReplyDelete
  6. बहुत सुग्घर दोहावली,दीदी।सादर प्रणाम।

    ReplyDelete
  7. प्रणम्य दीदी के सुग्घर दोहावली।

    ReplyDelete
  8. प्रणम्य दीदी के सुग्घर दोहावली।

    ReplyDelete
  9. वाह्ह्ह्ह्ह् दीदी सुग्घर दोहावली ,नमन्

    ReplyDelete
  10. भाई - बहिनी के मया, होथे - बड अनमोल
    सदा सुखी सब झन रहौ,मन से निकलय बोल।

    ReplyDelete
  11. नीक लगिस पढ़के बने,सुघ्घर दोहा तोर।
    बड़ ज्ञानी हावय हमर,दीदी शकुन ह मोर।।
    सुघ्घर दोहा दीदी के सत् सतू पाय लागु

    ReplyDelete
  12. वाह! दीदी सुग्घर दोहावली

    ReplyDelete
  13. अब्बड़ सुग्घर लागिस आदरणीया

    ReplyDelete
  14. बड़ सुघ्घर दीदी जी

    ReplyDelete
  15. बड़ सुघ्घर दीदी जी

    ReplyDelete