Saturday, February 24, 2018

आल्हा छंद - शकुन्तला शर्मा

सही कहत हे फागुन पुन्नी

कर्म कलम हर भाग बनाथे, मोर बात ला सब पतियाव
मनखे जन्म मिले हे बढिया, सोच समझ के पाँव बढाव।

हाथ गोड हर कर्म करत हे, पाप पुण्य के मालिक भाव
भाव प्रमुख ए हर प्राणी मा, भाव मुताबिक सुख दुख पाव।

देख होलिका खुद जर जाथे, बाँचिस हे बपुरा प्रहलाद
साँच आँच ले नइ घबरावै, कतको बड होवय जल्लाद।

होरी मा झन रंग लगावव, हरदी के बस टीका टीक
पानी ला झन खूब बहावव, मनखे मुँहरन रहव सटीक।

अरसा कुशली खाव खवावौ, नाचौ गावौ सब परिवार
दया मया धर के बतियावव, करव समस्या के निरवार।

हरियर रुख ला झन काटव रे, एहर पाप कर्म ए जान
कचरा के होरी बारव रे, सही बुता के कर पहिचान।

भाँग धतूरा झन पीहौ जी, सब झन ला जावव समझाव
बहिनी मन के हाथ बँटावौ, वोहू मन ला भलुक बचाव।

देश धर्म सबले आघू हे, तेकर पाछू सबो तिहार
सही कहत हे फागुन पुन्नी, होरी के कर जय जयकार।

रचनाकार -शकुन्तला शर्मा,
भिलाई, छत्तीसगढ़

18 comments:

  1. बहुत बढ़िया रचना

    ReplyDelete
  2. वाह दीदी मजा आगे आल्हा फागुन

    ReplyDelete
  3. वाह दीदी मजा आगे आल्हा फागुन

    ReplyDelete
  4. दीदी आल्हा छंद मा ,होरी खेले आय।
    सनसो के तोर बानी,सुघ्घर मोला भाय।।

    बहुत बढ़ियाँ आल्हा छंद दीदी सादर पाय लागु

    ReplyDelete
  5. वाहःहः दीदी
    होली के कतिक सुघ्घर बखान करे हव।
    सादर नमन दीदी।

    ReplyDelete
  6. अब्बड़ सुग्घर दीदी शिरतोंन बरनन करत आल्हा छंद दीदी पायलगी

    ReplyDelete
  7. वाह्ह्ह्,सुग्घर संदेश देत छंद दीदी

    ReplyDelete
  8. होली हे....
    बहुत बढ़िया होली के वर्णन दीदी

    ReplyDelete
  9. सुग्घर संदेश आल्हा के माध्यम ले दीदी

    ReplyDelete
  10. सुग्घर संदेश आल्हा के माध्यम ले दीदी

    ReplyDelete
  11. बहुत सुघ्घर रचना दीदी
    पढ़ के मजा आगे
    गाड़ा गाड़ा बधाई हो

    ReplyDelete
  12. बहुत सुग्घर आल्हा छंद मा संदेसप्रद रचना दीदी।सादर बधाई

    ReplyDelete
  13. बहुत सुग्घर आल्हा छंद मा संदेसप्रद रचना दीदी।सादर बधाई

    ReplyDelete
  14. अनुकरणीय अउ अनुपम आल्हा छंद हे ,दीदी। बधाई अउ शुभकामना।प्रणाम।

    ReplyDelete
  15. बहुत सुघ्घऱ मनभावन आल्हा दीदी।बढ़िया बढ़िया सशक्त शब्द ले सुसज्जित लाजवाब आल्हा।

    ReplyDelete
  16. बहुँत सुग्घर आल्हा छंद के सिरजन करे हव दीदी।

    ReplyDelete
  17. बड़ सुन्दर आल्हा दीदी।सादर बधाई।

    ReplyDelete