25 माने सिल्वर जुबली* 🪄

 🪄 *25 माने सिल्वर जुबली* 🪄

हमर जमाना मा जब कोनो फ़िल्म 25 हफ्ता चल जाए वोला “सिल्वर-जुबली फ़िल्म” कहे जाय। ये फ़िल्म के मुख्य कलाकार मन ला तको “जुबली स्टार” कहे जाय। आज के दौर मा न जुबली फ़िल्म रहिगे अउ न जुबली स्टार।

आज के दौर मा जब बिहाव के 25 बछर पूरा हो जाथे तब वोला “सिल्वर जुबली वर्षगाँठ” कहे जाथे। ज्यादातर पढ़े-लिखे अउ सम्पन्न जोड़ा मन शानदार पार्टी के आयोजन तको करथें। हमर जमाना मा “सिल्वर जुबली वर्षगाँठ” के चलन नइ रहिस। कहे के मतलब ये हवय कि जउन चलन वो जमाना मा रहिस, तउन चलन आज के जमाना मा नइये अउ जउन चलन आज के जमाना मा हवय तउन चलन तइहा के जमाना मा नइ रहिस फेर “25” के नाता पहिली घलो सिल्वर जुबली संग रहिस अउ आज घलो हवय।

 काली 10 जनवरी के “छन्द के छ, ऑनलाइन गुरुकुल के 25 वाँ सत्र के शुभारंभ होही। हमू बोल सकथन कि हमर “सिल्वर जुबली सत्र” काली शुरू होवइया हे। छन्द के छ परिवार के हर सदस्य ला “सिल्वर जुबली सत्र” के गाड़ा-गाड़ा बधाई।

अक्षय-तृतीया सन् दू हजार सोला (सोलह) के हमर पहिली सत्र के शुरुआत होए रहिस। हर बछर चार-चार महीना के अंतराल मा एक नवा सत्र चालू होथे माने हर बछर मा तीन सत्र के परम्परा अभी तक अक्षय हवय। मोला विश्वास हे कि ये परम्परा सदा दिन अक्षय रही।

अभी तक छन्द के छ परिवार मा 300 ले आगर रचनाकार मन जुड़ चुके हें फेर ये संख्या हमर बर मायने नइ रखे अउ न हम ये संख्या ला अपन उपलब्धि माने के भरम पालथन। हमर उपलब्धि उन साधक मन आँय जिन मन निर्मल अउ समर्पित भाव ले ये आंदोलन मा सक्रिय रहिके न केवल छन्द के बारीकी ला सीखिन बल्कि गुरु के भूमिका ला निभा के नवा-नवा साधक मन ला छन्द सिखाइन। अइसने समर्पित साधक मन छन्द के छ परिवार के रीढ़ के हड्डी आँय। 

कबीर के दोहा हमरो बर लागू होथे -

जिन खोजा तिन पाइया, गहरे पानी पैठ।

मैं बपुरा बूड़न डरा, रहा किनारे बैठ।।

छन्द के छ परिवार मा जुड़ के कोन का पाइस ? एक नजर देख लेवव छन्दकार - शकुन्तला शर्मा   

छन्द साधिका, सत्र - 1

“छन्द के छटा”

(छत्तीसगढ़ी छन्द संग्रह)

प्रकाशक - प्रयास प्रकाशन बिलासपुर, वर्ष - 2018

छन्दकार - रमेश कुमार चौहान  

छन्द साधक, सत्र - 1

1. दोहा के रंग

(छत्तीसगढ़ी भाषा में दोहा छन्द संग्रह)

प्रकाशक - वैभव प्रकाशन रायपुर, वर्ष - 2016

2. “आँखी रहिके अंधरा”

(छत्तीसगढ़ी भाषा में कुण्डलिया छन्द संग्रह)

प्रकाशक - आशु प्रकाशन रायपुर, वर्ष 2018

3. “छन्द चालीसा”

प्रकाशक - आशु प्रकाशन रायपुर, वर्ष - 2018

4. “छन्द के रंग”

प्रकाशक - रमेश चौहान नवागढ़, वर्ष - 2019

छन्दकार - चोवाराम "बादल"

छन्द साधक, सत्र - 2   

1. “छन्द बिरवा”

(छन्द सीखे बर मार्गदर्शिका सह छन्द-संग्रह)

प्रकाशक - आशु प्रकाशन रायपुर, वर्ष 2018

2. “श्री सीताराम चरित”

(छन्दबद्ध महाकाव्य)

प्रकाशक - शिक्षादूत ग्रंथागार प्रकाशन नई दिल्ली, वर्ष - 2023

छन्दकार - आशा देशमुख     

छन्द साधक, सत्र - 2

“छन्द चंदैनी”

(छन्द संग्रह)

प्रकाशक - वैभव प्रकाशन रायपुर, वर्ष - 2022

छन्दकार - कन्हैया साहू "अमित"  

छन्द साधक, सत्र - 2

1. जयकारी जनउला

(जयकारी छन्द मा जनउला संग्रह)

प्रकाशक - वैभव प्रकाशन रायपुर, वर्ष - 2021

2. फुरफन्दी

(छत्तीसगढ़ी भाषा में बाल-साहित्य)

प्रकाशक - जी एच पब्लिकेशन प्रयागराज, वर्ष - 2023

छन्दकार - मनीराम साहू "मितान" 

छन्द साधक, सत्र - 3

1. “हीरा सोनाखान के”

(छन्दबद्ध प्रबंध-काव्य)

प्रकाशक - वैभव प्रकाशन रायपुर, वर्ष 2018

2. “महा परसाद”

(छन्दबद्ध प्रबंध-काव्य)

प्रकाशक - रंगमंच प्रकाशन सवाई माधोपुर, वर्ष - 2021

3. “गजामूँग के गीत”

(दोहा-गीत संग्रह)

प्रकाशक - वैभव प्रकाशन रायपुर, वर्ष - 2023

4. “छत्तीसगढ़ के मंगल पाण्डे वीर हनुमान सिंह”

(छन्दबद्ध प्रबंध काव्य)

प्रकाशक - शिक्षादूत ग्रंथागार प्रकाशन नई दिल्ली, वर्ष - 2023

छन्दकार - सुखदेव अहिलेश्वर    

(छत्तीसगढ़ी छन्द संग्रह)   

छन्द साधक, सत्र - 3

“बगरय छन्द अँजोर”

प्रकाशक - छत्तीसगढ़ राजभाषा आयोग, वर्ष - 2022

छन्दकार - बोधनराम निषादराज   

छन्द साधक, सत्र - 4

1. अमृतध्वनि छन्द

(अमृतध्वनि छन्द संग्रह)

प्रकाशक - आशु प्रकाशन रायपुर, वर्ष 2021

2. “छन्द कटोरा”

(छत्तीसगढ़ी छन्द संग्रह)

प्रकाशक - वैभव प्रकाशन रायपुर, वर्ष - 2022

3. “हरिगीतिका छन्द”

(हरिगीतिका छन्द संग्रह) 

प्रकाशक - वैभव प्रकाशन रायपुर, वर्ष - 2023

छन्दकार - जगदीश हीरा साहू

छन्द साधक, सत्र - 4 

1. सम्पूर्ण रामायण

(छत्तीसगढ़ी भाषा में सार छन्द आधारित मनका)

प्रकाशक - वैभव प्रकाशन रायपुर, वर्ष - 2019

2. “छन्द संदेश”

(छत्तीसगढ़ी छन्द संग्रह)

प्रकाशक - वैभव प्रकाशन रायपुर, वर्ष - 2020

छन्दकार - रामकुमार चंद्रवंशी 

छन्द साधक, सत्र - 6

1. “छन्द झरोखा”

(छत्तीसगढ़ी छन्द संग्रह)

प्रकाशक - वैभव प्रकाशन रायपुर, वर्ष - 2020

2. “छन्द बगिच्चा”

(छत्तीसगढ़ी छन्द संग्रह)

प्रकाशक - वैभव प्रकाशन रायपुर, वर्ष - 2021  

     

छन्दकार - शुचि भवि

छन्द साधक, सत्र - 6    

            

“छन्द फुलवारी”

(छत्तीसगढ़ी छन्द संग्रह)

प्रकाशक - वैभव प्रकाशन रायपुर, वर्ष - 2022

छन्दकार - द्वारिका प्रसाद लहरे 

छन्द साधक, सत्र - 7

“छन्द गीत बहार”

(छत्तीसगढ़ी भाषा में छन्द आधारित गीत संग्रह)

प्रकाशक - तन्वी पब्लिकेशन्स जयपुर, वर्ष - 2022

छन्दकार - विजेन्द्र कुमार वर्मा

छन्द साधक, सत्र - 11

मनहरण घनाक्षरी छन्द 

(छत्तीसगढ़ी मनहरण घनाक्षरी छन्द संग्रह)

प्रकाशक - वैभव प्रकाशन रायपुर, वर्ष - 2023

छन्दकार - धनेश्वरी सोनी "गुल"   

छन्द साधक, सत्र - 11

1. “बरवै छन्द कोठी”

(छत्तीसगढ़ी भाषा मा बरवै छन्द संग्रह)

प्रकाशक -  वंश पब्लिकेशन भोपाल, वर्ष - 2022

2. “सवैया छन्द संग्रह”

(छत्तीसगढ़ी भाषा मा सवैया छन्द संग्रह)

प्रकाशक - छत्तीसगढ़ राजभाषा आयोग, वर्ष - 2022

बहुत झन के किताब अभी छपे नइये। कभू न कभू जरूर छपही फेर हर प्रकाशित किताब अवइया समय मा छत्तीसगढ़ी साहित्य के उत्कृष्ट कृति के रूप मा जाने जाही। जम्मो छन्दकार मन ला बहुत-बहुत बधाई।

क्रमशः…………

*अरुण कुमार निगम*