मया अउ आस्था निराकार ला साकार कर देथे। काली कबीरधाम मा "छन्द के छ" के स्थापना दिवस अउ मातृ दिवस के शुभ घड़ी मा "छत्तीसगढ़ी भाखा महतारी" के मोर परिकल्पना ला छन्द के छ के साधक "ईश्वर साहू बंधी" जी कागज मा रेखांकित करके सजीव करिन। आयोजन के शुरुवात मा आमंत्रित पहुना मन "छत्तीसगढ़ी भाखा महतारी" के मातृ स्वरूप के लोकार्पण करिन। इही मातृ रूप के आघू दीप प्रज्ज्वलित करके कार्यक्रम के उद्घाटन होइस।
