छप्पय छंद -भीम जयंती
भीम जयंती आय,चलव जी खुशी मनाबो।
घर अँगना मा आज,मया के दीप जलाबो।
संविधान के भीम,रहिस हे जी निर्माता।
दलित मसीहा जान,सबो के भाग विधाता।
ऊँज-नीच के भेद ला,भीम करे हे दूर जी।
मनखे के अधिकार बर,लड़े रहिस भरपूर जी।।
जग मा हावय कोन,भीम के जइसे ज्ञानी।
मानवता के भीम,पियाये सबला पानी।
सुमता समता लाय,सबो मनखे मा भाई।
बाबा भीम महान,अबड़ ये करे भलाई।
भारत माँ के वीर ला,बारम्बार प्रणाम जी।
भीम राव अम्बेडकर,जुग-जुग रइही नाम जी।।
छंदकार-
द्वारिका प्रसाद लहरे"मौज"
बायपास रोड़ कवर्धा छत्तीसगढ़
स्थान दे बर सादर प्रणाम गुरूदेव
ReplyDeleteबहुत सुन्दर जय भीम
ReplyDelete