विधान--*रूपमाला छन्द (मदन छन्द)* १४-१०

विधान--*रूपमाला छन्द  (मदन छन्द)* १४-१०

डाँड़ (पद) - ४,

चरन - ८ 

*तुकांत के नियम -*

 दू-दू डाँड़ के आखिर मा माने सम-सम चरन मा, बड़कू,नान्हें (२,१)

*मात्रा-*

हर डाँड़ मा कुल मातरा – २४ , बिसम चरन मा मातरा – १४, सम चरन मा मातरा- १० 

*यति / बाधा –*

१४, १० मातरा मा 

*खास-*

 एला मदन छन्द घलो कहिथें    

*उदाहरण*

*नाम  रहि जाही  (रूपमाला छन्द)* 

देह   जाही   रूप  जाही ,  छोड़  जाही  चाम 

जोर ले कतको इहाँ धन, कुछु न आही काम 

धरम करले करम करले , तँय कमा ले साख 

नाम  रहि  जाही  जगत-मा , देह  होही राख  | 

साँस के  झन कर भरोसा , छोड़ जाही साथ 

तोर  जिनगी काठ-पुतरी , डोरि ओखर हाथ

करम डोंगा ला सजा के , उतर जा भव-पार 

मन रमाले हरि-भजन-मा , बस इही हे सार |

*गुरुदेव अरुण कुमार निगम*

💐💐💐💐💐💐💐💐💐💐💐💐

*आज एक नवा छन्द*

*रूपमाला छन्द*  (मदन छन्द) 14-10

डाँड़ (पद) - 4, ,चरण - 8

तुकांत के नियम - दू-दू डाँड़ के आखिर मा माने सम-सम चरण मा, गुरु-लघु (2,1)

हर डाँड़ मा कुल मात्रा – २४ , बिसम चरण मा मात्रा – १४, सम चरण मा मात्रा- १० 

यति / बाधा – १४, १० मात्रा मा 

खास- एला मदन छन्द घला कहिथ

*मात्राबाँट*

2122 2122, 2122 21

लय बर अइसे गाके अभ्यास करव -

रूपमाला, रूपमाला, रूपमाला, रूप

या 

लाललाला, लाललाला, लाललाला, लाल

*ध्यान रहे - तीसरा, दसवाँ, सत्रहवाँ अउ चौबीसवाँ मात्रा अनिवार्य रूप ले लघु होना चाही।बाकी जघा एक गुरु के बदला दू लघु घलो हो सकथे*

*उदाहरण*

देह जाही रूप जाही , छोड़ जाही  चाम ।

जोर ले कतको इहाँ धन, कुछु न आही काम ।

कर धरम तँय कर करम तँय, अउ कमा ले साख ।

नाम  रहि  जाही  जगत-मा , देह  होही राख ।।

* कुमार निगम जी *