कज्जल छंद-शशि साहू

 कज्जल छंद-शशि साहू

आये हँव मँय बैंगलोर

मिलहूँ नोनी संग मोर

चउथा माला ले अगोर

जादा चिन्ता खुशी थोर।।

 

कतका सुग्घर हमर देश

ओमा कर्नाटक   प्रदेश

 रंग- रंग के  धरे  वेश

मनखे  होगे  हे विशेष।। 

बहुते बड़का शहर आय

नावा पीढ़ी ला सुहाय

मनमाफिक सब बुता पाय

सुग्घर जिनगी ला पहाय।।

घूमे ल जाबो मैसूर

बैंगलोर ले थोर दूर

हरियाली हवय भरपूर

आनंद भरे हमर टूर।।

सरग बरोबर हे पहाड़

नीलगिरी अउ पेड़ ताड़

पूस माघ कस हवय जाड़

करँव प्रकृति ला गंज लाड़।।