सार छंद- इंजी.गजानंद पात्रे "सत्यबोध"
जाति धरम मा बटगे मनखे, भेद लहू मा होगे।
मंदिर मस्जिद के फेरा मा,सोन चिरिइयाँ खोगे।।
सुमता के हे पेड़ सुखावत,कोंन रितोवय पानी।
इरखा चारी मा बीतत हे, मनखे के जिनगानी।।
अंधभक्ति के रोग बढ़े हे,आँख बँधाये पट्टी।
नीति धरम के बात इहाँ तो,लगथे सब ला खट्टी।।
कोंन दिशा मा जावत हावय,हमर देश के पीढ़ी।
रोजगार शिक्षा ला छोड़े,चढ़त धरम के सीढ़ी।।
धरम बड़े ना कभू करम ले,देव बड़े ना धामी।
बार बार मैं बोलत हावँव,बनव करम अनुगामी।।
संविधान ला पढ़ लिख समझौ,तब तो आगे बढ़हू।
बनके अफसर बाबू भाई,भाग देश के गढ़हू।।
इंजी.गजानंद पात्रे "सत्यबोध"
बिलासपुर (छ.ग.)
वाहःह बहुत सुघ्घर हे भाई
ReplyDeleteसार छंद
बेहतरीन रचना बर बहुत बहुत बधाई
ReplyDeleteबहुते सुग्घर लगिसे आपके सार छंद
ReplyDeleteबहुत सुग्घर स्ंदेशप्ररक रचना सर
ReplyDeleteबहुत सुग्घर स्ंदेशप्ररक रचना सर
ReplyDeleteबहुत सुन्दर रचना सर जी
ReplyDeleteप्रणम्य गुरुदेव संग आप सबो ल बहुत बहुत धन्यवाद!!
ReplyDeleteवाह्ह वाह वाह्ह पात्रे भइया अब्बड़ सुग्घर सन्देश देवत सार छंद भइया बधाई 🙏🙏
ReplyDeleteबढ़े चलो,बधाई
ReplyDeleteमनखे मनखे समझँय भाई, फोकट के नइ खाना।
ReplyDeleteबिरथा नइ जावय समझाई, श्रम से प्रीत लगाना।।
नीतिपरक तँय कतका सुंदर,हस संदेस मढ़ाये।
करम करे बर दिये प्रेरणा, आखर फूल चढ़ाये।।
बहुत ही बढ़िया सार छंद भाई...
👏👏👍👍👌👌🌹🌹🙏