*सरसी छंंद*
*विषय-छत्तीसगढ़ी भाखा*
छत्तीसगढ़ी भाखा बोलव, कर लौ एकर मान।
हवय हमर भाखा हा गुरतुर, रखलौ मया मितान।।
सुवा ददरिया करमा पंथी, लिखे हवय सब गीत।
छत्तीसगढ़ी भाखा मा हे, घुरे मया के प्रीत।।
ओइल अउ मैना कस बोली, हयव हमर ये शान।
छत्तीसगढ़ी भाखा बोलव, करलौ एकर मान।।
पढ़व लिखव सब्बो भाखा ला, अउ सीखव सब गोठ।
फेर तुमन छत्तीसगढ़ी ला, मिलके करलौ पोठ।।
आज हमर भाखा ला राखव, सुन गा मोर सियान।
छत्तीसगढ़ी भाखा बोलव, करलौ एकर मान।।
*अनुज छत्तीसगढ़िया*
*पाली जिला कोरबा*
No comments:
Post a Comment