राष्ट्र पिता महात्मा गांधी जी ला शत-शत नमन...💐💐
🌺 *शहीद दिवस के दोहा* 🌺
सत्याग्रह के मंत्र ले, करिन देश आज़ाद।
अमर रही गांधी बबा, करबो सब दिन याद।।
हो गिन हवे शहीद गा, करके सुग्घर काम।
इज्जत ले लेथें सबो, गांधी जी के नाम।।
राष्ट्र पिता के गोठ मा, ताकत रिहिस अपार।
उनकर सबो विचार ले, सहमत हे संसार।।
जिनगी ला जे हा अपन, करिन देश के नाम।
अइसे मोहनदास ला, शत-शत घाँव प्रणाम।।
महामनुख गांधी बबा, सत के रिहिन प्रतीक।
चलके दद्दा मा उखँर, बनव मनुख सब नीक।।
🌸🙏🌸
श्लेष चन्द्राकर,
महासमुंद (छत्तीसगढ़)
हार्दिक आभार गुरुदेव
ReplyDelete