नेता जी को समर्पित( दोहा छंद)-कुलदीप सिन्हा

 "नेता जी को समर्पित( दोहा छंद)-कुलदीप सिन्हा

                    "दोहा छंद"

नेता सुभाष चंद्र की, हरय जयंती आज।

जेन करिस हे देश के, स्वतंत्रता के काज।।1।।

नेता जी के नाम ले, जानय जिनला देश।

योगदान गा देश बर, जेखर हवे विशेष।।2।।

मोला देवव खून जी, करवँ देश आजाद।

अइसन नारा दे गइस, आज करत हन याद।।3।।

आजाद हिंद फौज की, करय गठन जे जान।

हवे देश ला गा बहुत, जेखर नाम गुमान।।4।।

अपन आप के कर गइस, जेन स्वयं बलिदान।

नइ जानव ते जान लो, रहो नहीं अनजान।।5।।

अइसन त्यागी वीर ला, नमन करत हे देश।

जेन उड़ै आगास में, धर त्यागी के वेश।।6।।

कुलदीप सिन्हा "दीप"

कुकरेल सलोनी ( धमतरी )