शिक्षक दिवस
आज हवय पावन दिवस , गुरु पूजा त्योहार ।
वंदत हँव गुरु के चरण , शीश नवाँ सौ बार ।।
राधा कृष्णन ला नमन, जन्म दिवस हे आज ।
शिक्षक जन जेकर उपर , करथें अबड़े नाज ।।
जेन रहिंन चिंतक बड़े , राजनीति के संत ।
बनिन राष्ट्रपति दूसरा , भारत के श्रीमंत ।।
शिक्षा सँग संस्कार के , जेहा अलख जगाय ।
सुग्घर जी सद ज्ञान दय ,वो हर शिक्षक आय ।।
करिया पट्टी शिष्य के , आखर भरय अँजोर ।
रटवा दै जी पाहड़ा , भाषा भाव चिभोर ।।
ब्रह्मा विष्णु महेश कस ,गुरुजी तभे कहाय ।
मातु पिता कस मानके , सब झन शीश नँवाय।।
चोवा राम वर्मा 'बादल '
हथबंद, छत्तीसगढ़
No comments:
Post a Comment