*विश्वकर्मा महराज*
(हरिगीतिका छंद )
हो देव शिल्पी आप प्रभु,शुभ विश्वकर्मा नाम हे।
सिरजन करइया विश्व के,अद्भुत तुँहर ये काम हे।।
सुमिरन करै नर-नार सब,जोड़े दुनों जी हाथ ला।
चौखट खड़े सब हे भगत,देखव झुकाए माथ ला।।
रचना करइया जीव के,मन्दिर महल घर द्वार के।
कल कारखाना ला रचे,वन डोंगरी संसार के।।
अउ बज्र रचना इंद्र के,तिरशूल भोलेनाथ के।
गहना रचे अद्भुत इहाँ, श्रृंगार नारी माथ के।।
*बोधन राम निषाद*
No comments:
Post a Comment