संयुक्ताक्षर*

 *संयुक्ताक्षर*

*आधा अक्षर के मात्रा गणना समझ मा आय के बाद संयुक्ताक्षर के मात्रा गणना बहुत सरल हो जाथे।*

*क्ष त्र ज्ञ अउ श्र ये चारों संयुक्ताक्षर दू वर्ण के मेल ले बने हे।देखव-*

क्ष=क् +ष*

त्र =त् +र

ज्ञ =ज् +ञ

श्र =श् +र

*पहिली वर्ण आधा अउ दूसर वर्ण पूरा रहिथे।*

*(ऊपर बताये अनुसार ज्ञ के सहीं विभाजन ज् +ञ आय पर आप अभ्यास बर ग् +य लिख सकत हव।ये सिरिफ टाईप करे के सुविधा बर रही।)*

*ये संयुक्ताक्षर जब शब्द के पहिली अक्षर बिना मात्रा के साथ आही तब लघु माने जाही।*

*क्षय=(क् ष )+य =1+1=2*

*जब शब्द के बीच मा आही*तब एखर विभाजन के आधा वर्ण अपन पहिली वाले वर्ण संग मिल के ओला गुरू कर दिही।*

*वक्ष=(व +क्) +ष =2+1=3*

*अगर पहिली वाले अक्षर गुरु हे तब संयुक्ताक्षर के आधा वर्ण गिनती मा नइ आही।*

पात्र=(पा+त्) +र =(2) +1=3

*ये नियम चारों संयुक्ताक्षर बर लागू होही।*

*अभ्यास - 5*

क्षर, क्षार, त्रय, त्रास, ज्ञान, ज्ञाता, श्रम, श्रवण, रक्षा, दक्ष, मित्रा, यत्र, विज्ञान, विज्ञ, श्रीमान, मिश्री। 

अभ्यास के समय 24 घंटा।

अरुण निगम