र्* रारेफ़ के गोठ

 *आज के पाठ*

*र्* रारेफ़ के गोठ

काली के पाठ मा आप मन देखेव *र* जब व्यंजन के गोड़ ला धरथे माने खाल्हे मा रहिथे (प्र, क्र, ग्र आदि) तब ओ व्यंजन आधा हो जाथे अउ पहिली आथे। *र* ओ व्यंजन के बाद मा आथे, अउ पूरा रहिथे। 

*मनखे के नम्रता घलो अइसने हे । मनखे ला पूरा बना देथे* अब देखव- 

जब *र* काखरो मुड़ी ऊपर बइठथे तब का होथे। एला हमन प्रायमरी कक्षा ले रारेफ़ कहिथन।

*पर्व* इहाँ *व* व्यंजन के मुड़ी मा *र* बइठे हे। एला अइसे गिने जाही - 

प र् + व = 2 + 1 = 3 

जउन व्यंजन ऊपर *र* लगे हे वोहर पूरा रथे अउ र के बाद मा आथे। 

*र* आधा होके अपन पहिली वाले लघु वर्ण ला गुरु बना देथे।

रारेफ़ से कभी कोई शब्द शुरू नइ होय। रारेफ़ के *र*  आधा होके अपन पहिली वाले लघु वर्ण ला गुरु बना देथे। 

मनखे के भी यही हाल है। कोनो ला अपन मुड़ी ऊपर बइठाहू त वोहर दूसर संग मिलके ओखर पॉवर बढ़ा देथे। 

अर्थ =अर्+थ =2+1=3 

*देखत हव ।बइठे हे थ उपर अउ बड़कू बनावत हे अ ला ।*

सिखावत सिखावत विचार आगे त,  र के तुलना मनखे के सुभाव संग कर दे हँव। आप मन व्याकरण के सार सार बात ला सीखव। 

🙏🙏🙏🙏🙏

*आज के अभ्यास* 

सर्द, आर्य, वर्तमान, वार्तालाप, आर्तनाद, सौहार्द्र, निर्वाह, ठेठर्रा, गोर्रा, अकर्मण्य।

 अरूण कुमार निगम