वर्ण अउ अक्षर*

 *पाठ - 3*

*वर्ण अउ अक्षर*

साधारण तौर मा हम वर्ण अउ अक्षर ला एक दूसर के पर्यायवाची मानथन। पर दूनों अलग - अलग आय। कोई भी भाषा ध्वनि द्वारा बोले अउ सुने जाथे। लिपिबद्ध करके लिखे भी जाथे। 

*ध्वनि : - भाषा के सबले छोटे टुकड़ा जो सुने जा सकथे, ध्वनि कहे जाथे।*

*अक्षर :- भाषा के सबले छोटे टुकड़ा, जेखर उच्चारण करे जा सकथे, अक्षर करे जाथे।अक्षर माने जेखर 'क्षर' नइ हो सके।*

*वर्ण :- लिपि के सबले छोटे टुकड़ा वर्ण कहे जाथे। एखर एक निर्धारित आकृति होथे, जो कोनो न कोनो रंग मा अंकित रिथे। रंग के कारण एला वर्ण कहे जाथे।*

 *क् ख् ग् घ् आदि बियंजन आय*। बिना स्वर ला साथ लिए इंकर उच्चारण सम्भव नइ हे।बिना स्वर के ये सिरिफ ध्वनि आय।

*अ आ इ ई उ ऊ आदि स्वर आय।* इंकर उच्चारण सम्भव हे।चूकि हर स्वर भाषा के सुने जा सकने वाला सबले छोटे टुकड़ा आय तो ये *ध्वनि* आय ।अउ भाषा के सबले छोटे टुकड़ा आय जेखर उच्चारण करे जा सकथे तो ये *अक्षर* घलो आय। 

कहे के मतलब बियंजन के ध्वनि आय।

*स्वर मन ध्वनि अउ अक्षर दोनों होथे।*

*बियंजन के मेल जब स्वर के साथ होथे तब वो अक्षर बन जाथे।*

*क् -* 

ध्वनि आय (कोई भी बियंजन)

*क् +अ =क* ये अक्षर के साथ मिल के अक्षर बन गए

*ग् +इ =गि* ये स्वर के साथ मिल के अक्षर बन गे।

हिंदी के किताब मा या चार्ट मा हम जो अ आ इ ई क ग क्ष त्र ज्ञ आदि देखथन अउ पढ़थन, वो वर्ण आय।

*वर्ण के समुह ला हम वर्णमाला कहिथन।*

एक उदाहरण ला देखव तो अक्षर अउ वर्ण के अंतर समझे मा आसानी होही।

शोभामोहन, ये शब्द मा पाँच अक्षर हे।

शो भा मो ह न

श् ओ भ् आ म् ओ ह् अ न् अ

शोभामोहन शब्द मा 10 वर्ण हे। 

ये जानकारी के छन्द के छ: ले कोनों संबंध नइ हे। पर साहित्यकार ला ये सब जानना चाहिए, ये सोच के आप मन ला बताये के प्रयास करे हँव। एखर बारे मा एम.ए.हिंदी संस्कृत वाले साधक मन ज्यादा अच्छा ले जानत होही।मँय अइसने मुख्य बात ला साक्षा करे हँव।

*अरुण कुमार निगम*

🙏🙏🙏🙏🙏🙏