*आज के पाठ - आधा अक्षर के मात्रा गणना के नियम*
1 *जब शब्द के पहिली अक्षर आधा रही* तब मात्रा गणना मा नइ आय।
स्तर , आधा स से शब्द के शुरुवात होवत हे। आधा स गणना मा नइ आही। त के 1 मात्रा अउ र के 1 मात्रा मिलके स्तर शब्द के कुल मात्रा 2 गिने जाही।
2 *जब आधा अक्षर, शब्द के बीच मा आथे* तब वो अपन पहिली वाले लघु मात्रा वाले अक्षर के संग मिलके गुरु माने 2 मात्रा बनाथे।
बस्तर - ये शब्द मा आधा स, बीच मा आये हे। ये अपन पहिली वाले लघु अक्षर ब, के संग मिलके वोकर मात्रा 2 बना देही। ब अउ आधा स ला 2 गिने जाही। त के 1 अउ र के 1 मात्रा गिने जाही।
बस्तर = (बस्)+(त)+(र)
= 2 + 1 + 1
= 4
(3) *जब आधा अक्षर, शब्द के बीच मा आथे* तब वो अपन पहिली वाले *गुरु* मात्रा वाले अक्षर के संग मिलथे फिर आधा अक्षर गिनती मा नइ आय।
वास्तव - ये शब्द मा आधा स, शब्द के बीच मा आये हे। एकर पहिली के अक्षर *वा* हे। अब आधा स, वा के संग आही। वा के मात्रा 2 हे, आधा स गिनती मा नइ आही। त के 1 मात्रा अउ व के 1 मात्रा।
वास्तव = (वास्)+(त)+(व)
= 2 + 1 + 1
= 4
* अरुण कुमार निगम जी *
No comments:
Post a Comment