विधान-शक्ति छन्द*

*विधान-शक्ति छन्द*  

*डाँड़ (पद) - ४*

तुकांत के नियम - *दू-दू डाँड़ मा, आखिरी मा*

*डाँड़ के आख़िरी मा लघु, लघु, गुरु (११२) या गुरु, लघु, गुरु (२१२) या लघु, लघु, लघु (१११) आना चाही*

*हर डाँड़ मा कुल मात्रा – १८*

*हर डाँड़ मा पहिली अक्षर के मात्रा लघु होना चाही*

खास - *हर डाँड़ मा १, ६ ,११ अउ १६ वीं मातरा लघु होना चाही*

*उदाहरण*

*गाँव मा (शक्ति छन्द)*

दया हे मया हे , सगा ! गाँव मा

चले आ कभू , लीम के छाँव मा ।

हवै  जिंदगी का ? इहाँ जान ले

सरग आय सिरतोन , परमान ले।।

सचाई  चघे  हे , सबो  नार मा

खिले फूल सुख के , इहाँ डार मा ।

सुगंधित हवा के चिटिक ले मजा

चिटिक झूम के आज माँदर बजा।।

मजा आज ले ले न , चौपाल के

भुला दे  सबो दु:ख , जंजाल के ।

दया हे मया हे , सगा ! गाँव मा

चले आ कभू , लीम के छाँव मा।।

*अरुण कुमार निगम*

: शक्ति छंद के

सूत्र - 122 - 122 - 122 - 12