उल्लाला छंद पहली प्रकार

 आज हम नवा छन्द *उल्लाला छन्द* सीखबो। उल्लाला छन्द के तीन प्रकार होथे। 

आज पहिली प्रकार के जानकारी दे जात हे। 

जइसे दोहा छन्द मा 13, 11 यति के दू डाँड़ (पद) अउ चार चार होथे।सम-सम चरण मा तुकान्तता रखे जाथे वइसने उल्लाला छ्न्द मा घलो दो डाँड़ (पद) अउ चार चरण होथे। सम-सम चरण मा तुकान्तता रखे जाथे, ये छन्द मा यति 13,13 मा रखे जाथे।

*माने हर चरण मा 13 मात्रा*

एखर हर चरण मा दोहा के 13 मात्रा वाले विषम चरण के नियम लागू होथे। 

उदाहरण - 

उल्लाला – (१३,१३मा यति, सम-सम तुकांत) 

(1)

दुख के पाछू सुख हवे, गोठ सियानी मान ले । 

बिरथा नइ जाये कभू , संत गुरू के ग्यान ले ।। 

(2)

गुरू बड़े भगवान ले , हरि दरसन करवाय जी । 

गुरू साधना मा जरै , अउ अँजोर बगराय जी ।। 

* अरुण कुमार निगम*